Browsing by Author "Si Ramdan Hanane"

Now showing 1 - 1 of 1
  • Thumbnail Image
    Item
    Tasuqilt n udlis « Contes CHARLES Perrault » seg tefransist ɣer tmaziɣt ( teqbaylit).
    (Université Mouloud Mammeri, 2023) Si Ramdan Hanane
    Adlis n tmucuha n CHARLES Perrault i d-yefɣen deg tezrigin l’odysée deg useggas 2012, yella-d d ammud n umahil-nneɣ, deg-s ṭẓa n tmucuha. Anda i neṣṣaweḍ nerra-d adlis-agi i yuran s tutlayt tafransist ɣer tutlayt taqbaylit. Ahil-agi yella-d s uḍfar n kraḍ n tarrayin i d-fkant Danicia SELESKOVITCH akked Marianne LEDERER, nerna nsemres ṣa n tarrayin i d-fkan Jean-Paul VINAY akked Jean DARBELNET. Ɣer taggara n unadi-agi neṣṣaweḍ nebna-d aḍris i yesɛan anamek s tutlayt taqbaylit, xas ula ma yella deg-s lexṣaṣ, maca neṣṣaweḍ nerra-d ɣef tmukrist i d-nefka di tazwara. Mi nexdem tasuqilt, syin nerna nexdem tasleḍt n userwes gar-as d uḍris anaṣli i yellan s tenfalit tafransist, nefka-d tarrayin s wayes i nsedda ahil-nneɣ akked wuguren i d-nmuger deg uɛeddi seg tutlayt ɣer tayeḍ. Leqdic-nneɣ yebḍa ɣef sin n yiḥricen igejdanen. Aḥric amezwaru d aḥric n teẓri, yebḍa ɣef sin n yixefawen, deg yixef-agi amezwaru, neɛreḍ nefka-d kra n tbadutin ɣef tmacahut akked ttulmisin-ines,. Deg yixef-agi wis sin, neɛreḍ nefka-d tibadutin n tsuqilt akked umezruy-is. Nerna-d tarrayin n tsuqilt i d-fkan Jean-Paul VINAY akked Jean DARBELNET, nerna-d tarrayin i d-fkant Dancia SELESKOVITCH akked Marianne LEDERER. Ɣer taggara nefka-d uguren i d-nufa mi d-nsuqel tẓa-agi n tmucuha n CHARLES Perrault. Deg uḥric-agi wis sin, neṣṣaweḍ nxedem-d tasuqit i ṭẓa n tmuchuha n CHARLES Perrault i yura s tutlayt tafransist ɣer tutlayt taqvaylit. Ɣer taggara, ihi neɛreḍ ad d-nekf tirirt i isteqsisyen i d-nefka di tazwara, tasuqilt maci d ayen isehlen i wakken ad d-nɛeddi seg tutlayt ɣer tayeḍ ad nernu ad neṣṣaweḍ izen i umeɣri bla uguren, maca s tarrayin i d-fkant Dancia SELESKOVITCH akked Marianne LEDERER, d ṣṣeḥ nufa-d uguren deg usuqel n wawalen akked tenfaliyin, maca s tarrayin i d-fekan Jean-Paul VINAY akked Jean DARBELNET i neṣṣaweḍ nsedda tasuqilt-nneɣ, nufa-d tifrat i wuguren i d-nemlal, s usemres n wawalen ireṭṭalen, agdazal n wawal renu ɣer-s asnulfu. Nessaram ahil-nneɣ d win s wacu ara d-sfaydin, deg-s ara d-affen imnadiyen akked imeɣriyen isalen ɣef tamacahut akked wayen yeɛnan tasuqilt akked tarrayin-is. Ad sɛun s ummata tikti amek ara d-suqlen aḍris seg tutlayt tabaṛanit ladɣa ɣer tmaziɣt. Akken nessaram ad yili d tasarut ara yeldin tiwwura n tusna i wannar aseklan amaziɣ, d lsas i wid yebɣan ad xedmen leqdicat ɣef yisental yecban wa, neɣ isental yerzan tawsit-a tamacahut neɣ tiwsatin nniḍen n tsekla tamaziɣt, imi ahat mazal aṭas n wayen ur d-nessebgen ara, ur d-newwi ara awal fella-s s telqayt, ahat d ay-agi ara yeǧǧen wiyaḍ ad nadin ugar n wayen i d-nefka deg usentel-agi