L’enseignement/apprentissage de la poésie dans l’acquisition de la langue amazighe au cycle secondaire
Loading...
Date
2024
Authors
Journal Title
Journal ISSN
Volume Title
Publisher
Université Mouloud Mammeri Tizi-Ouzou
Abstract
Asentel n tezwart-nneɣ ad d-yawi ɣef uselmed d ulmad n tmedyazt deg tutlayt n tmaziɣt deg tesnawit, tesɛa amekan-is deg uselmed, imi tesnernay tizemmar n yinelmaden deg waṭas n yiḥricen, ama deg tira ama deg timawit, imi aselmed n tmedyazt deg uɣerbaz ur yelli ara fell-as watas n yinadiyen d aya i aɣ-yeǧǧan ad nefren asentel-a.
Agnu
Iwakken ad neṣṣiwed ɣer yiswi n umahil-agi, nebna-d tamukrist ata ibedden ɣef kraḍ n yisteqsiyen igejdanen :
- Iselmaden n tmaziɣt n tesnawit semrasen tamedyazt deg uselmed n tutlayt n tmaziɣt?
- Asexdem n tmedyazt deg uselmed n tutlayt n tmaziɣt yesnernay tizemmar n yinelmaden?
- S usemres n tmedyazt deg uselmed n tmaziɣt, inelmaden ma zemren ad d-arun isefra weḥd- nsen?
Turdiwin
Almend n ugnu-a nezmer ad nefk turdiwin-a i d-ittedun :
- Iselmaden n tmaziɣt, ad yili semrasen tamedyazt deg uselmed n tutlayt.
- Asemres n tmedyazt deg uselmed n tmaziɣt yezmer ad yesnerni tizemmar n yinelmaden, ama di tira, ama di timawit, tettak afud i yinelmaden iwakken ad d-sbegnnen iḥulfan-nsen.
- Tamedyazt yezmer ad tessiweḍ inelmaden ad ttegzun aken iwata, iwakken ad izmiren ad d- arun isefra-nsen i yiman-nsen.
Afran n usentel d yiswi-s
Aṭas n tɣawsiwin i aɣ-yessawḍen ad d nefren asentel-a imi tamedyazt tesɛa azal d ammeqarn deg tudert n yal amdan aladɣa deg tmetti taqbaylit, iswi-nneɣ agejdan d asebgen n wazal n tmedyazt deg uselmed n tutlayt n tmaziɣt, d usebɛed n wuguren i d-nettmagar deg uselmed-ines. Tasnarayt
Iwakken ad naweḍ ad d-nerr ɣef yisteqsiyen i d-nefka di tazwara deg ugnu, nheyya-d amsteqsi deg-s 31 n yisteqsiyen i yiselmaden n tesnawit. D wa i d ttawil n unadi i nefren deg tsestant-nneɣ.
Assisen n umahil
Amahil-a yebḍa ɣef sin n yiḥricen:
- Deg umenzu, newwi-d deg-s awal ɣef umezruy n tmedyazt s umata d tewsatin-ines, d wazal itesɛa deg tmurt n lezzayer, d tmurt n leqbayel s wuzzig. Newwi-d daɣen ɣef umezruy d uselmed n tmaziɣt.
- Aḥric wis sin, d tasleḍt n yimseqsiyen.
Taggrayt
Deg teggrayt, nesmektad-d asentel n tezwart-nneɣ i d-yewwin ɣef usemres n tmedyazt deg uselmed n tutlayt n tmaziɣt, nufa-d tamedyazt d allal swayes yezmer unelmad ad yesnerni tizemmar-is, ama deg timawit ama deg tira.
Neṣṣawed ad nẓer belli tuget n yiselmaden semrasen tamedyazt deg uselmed n tmaziɣt, almend n waya ad d-nini nessentem turda tamezwarut.
Asemres n tmedyazt deg uselmed n tutlayt n tmaziɣt yesnernay tizemmar n yinelmaden, rnu ɣer waya d ttawil n uẓeṭṭa n tegmat imi tettak afud i yinelmaden i wakken ad izmiren ad arun isefra i yiman-nsen, s wakka neṣṣawed nessentem-d turda tis-snat d tis kraḍet.
S leqdic-a nessaram ad nili nesbeyyen-d azal n tmedyazt deg uselmed n tmaziɣt, nenjer-d asalu i wid yebɣan ad nadin ugar deg usentel-a. Imi tameslayt tettidir tettnerni s usemres akked uselmed.
Description
108 p.; 30 cm.(+CD-Rom)
Keywords
Enseignement, Apprentissage, La poésie, Acquisition de la langue amazighe, Cycle secondaire
Citation
Etudes Linguistiques Amazighes