Etude comparative d’un langage enfantin au plan phonétique et lexicale : Cas des enfants d’un an à trois ans ayant fréquentés ou non la crèche
| dc.contributor.author | Bouamara, Rachida | |
| dc.contributor.author | Oukara, Kahina | |
| dc.date.accessioned | 2019-05-28T11:09:53Z | |
| dc.date.available | 2019-05-28T11:09:53Z | |
| dc.date.issued | 2016 | |
| dc.description | 91p.+(CD) | en |
| dc.description.abstract | Tazwert tamatut: Tutlayt d yiwen wallal n teywalt, tesɛa azal meqqer deg tmetti, imi s-yes i yettemsefham wemdan seg mi ara yili d agrud, annecta yettemxallaf seg wegrud yetteqsaden tilakulin timeẓyanin, d win i d-yetturebban deg wexxam, acku di tlakulin timeẓyanin selmaden-asen tutlayin nniḍen (tafransist s umata). Axeddim-agi nneɣ, yebḍa ɣef kraḍ yixfawen, ad d-yawi ɣef wemgired n ulmad n tutlayt n teqbaylit ɣer wegrud yetteqsaden d win ur netteqsad ara tilakulin timeẓyanin seg useggas amenzu ama d wis kraḍ. Ixef 1u , d asefhem n wawalen icudden ɣer usentel-agi. Ixef wis sin, deg-s ad d-nessebgen amgired n tutlayt ɣer wegrud aqbayli deg wayen yaɛnan tasnilsit. Ixef wis kraḍ, deg-s ad d-yil iusebgen n umgired n tutlayt taqbaylit deg wayen yaɛnan amawal ɣer yigerdan-a. Iswi n leqdic nneɣ, d asebgen n wemgired yellan gar sin-agi n leṣnaf n tezrawt, ɣef aya tuttra Ad tili s wudem-a : Amek i d-yettili wemgired n umessuɣ n tutlayt ɣer yigerdan-a s wudem n tesnilsit d umawal? Tasnarayt I wakken ad d-nheggi axeddim-agi nneɣ, nessexdem (dictaphone) s wayes i d-nejmeɛ asagem i ɣef nexdem tazrawt-agi, rnu ɣer-s asekles n kra n yidlisen, d yimawalen, d yikatayen swayes ara s-nefk udem unṣif. Ilmend n tezrawt-agi nessekles ṭam(08) n yigardan deg yiḥricen yemxallafen( axxam, tilakulin timeẓyanin ) deg useggas ama d wis kraḍ. Tudriwin: Igardan n tlakult tameẓyant seqdacen tafrensist s waṭas ɣef wid n ur tent-neqsid ara. Aswir n leqraya akked tmetti anida ttidiren igardan-agi, yettaǧa-ten ad sxedmen tutlayt-a mačči d tayeḍ Tamukrist: Piaget. J yefreq almad n tutlayt n yigerdan ɣef ukuẓ n tegnatin. S wakka naɛreḍ ad dnessebgen tulmisin n tmeslayt n yigerdan yetteqsaden d wid ur netteqsad tilakulin timeẓyanin seg useggas alamma d krad n yiseggasen deg wudem n tesnilsit d umawal. Ɣef waya tuttra nneɣ ad tili s wudem-a: Wiss dɣa ma yella wemgired gar unerfud n tutlayt deg wudem n tesnilsit d umawal ɣer yigerdan n tlakulin timeẓyanin d yigerdan yetturebban deg wexxam? Aḥric amezwaru: Nefka-d deg-s tabadut n wawalen igejdanen yesɛan assaɣ akked usentel n unadi-agi nneɣ, ama d awalen icudden ɣer temsislit(tiɣra, tirgalin, asusru) ama d wid icudden ɣer umawal(iṛeṭṭalen, tarwest). Am wakken i d-newwi awal daɣen ɣef tezrawin yemxallafen, igqedcen ɣef usentel-agi n tutlayt n yigardan, ger-asent tazrawt n “Behavioreste” i yexdem “ Skinner” akked “Pavloy”; iyxedmen timusniwin nsen ɣef yiɣarsiwen, iḍan d yiɣardayen, anda ṣṣawḍen ɣer tamawt i dyeqqaren d akken almad n tutlayt ɣer wegrud yettas-d s leḥris. Tella daɣen tezrawt “Cognitiviste” yexdem “Chomsky” akked “Piaget” id-yusan s yigemmaḍ ixulfen tazrawt yezrin, nna-d dakken anefali n tutlayt ɣer wegrud yettas-d mebla lḥeris fell-as ɣer welmad. Ma d azerawt yexdem “Jakokson” i d-yuran ɣef uqɛad n ulmad n temeslayt yenna-d dakken ulac tameslayt anda ur llin-t ara targalin tixarajiyin, ma ur llin-t ara targalin tiddaxliyin. Ad naf daɣen deg yixef-agi timaliyin yetteḥwiǧǧi ugrud deg ulmad n tutlayt ɣef waya ad d-naf agrud yessexdam tamalit n tmesliwt iwakken ad t-yaweḍ wawal ɣer lmux-is, tamalit n ufham d wamek ara yefhem lheḍur, tamalit n uɛaned d aɛrad n wegrud ad d-iɛiwed ayen yesla, tamalit n urwas d wawalen i d-yesnulfay wegrud i wakken ad as-yifsus lmenṭeq. Deg uḥric wis sin: Deg ixef-agi nexdem tasleḍt tasnilsit i wammud-agi i d-nejmeɛ ɣer yigardan, iɣ-id-yesbegnen dakken tameslayt-nsen tebna ɣef tlata n yiferdisen; abeddel n talɣa n wawalen( changement total) imi ẓẓay-it fell-as di lmenṭeq, s wakka yettɛawad lehdur yesla ɣer yimeqranen. Nufa-d daɣen deg wamud-agi nneɣ anda yettbeddil targelt tamelɣiɣt s targelt tuɣecfirt, acku kra n deg-sen weɛren fell-as i wakken ad ten-id-yenṭeq. Akken id-nufa daɣen anda yessenqes maḍi imesli i wakken ad yessifsus lmenṭeq. Deg uḥric wis krad: Deg uḥeric-agi nxdem tasleḍt n umawal i wamud-agi nneɣ, nufa-d dakken aamawal-is yebna ɣef kra tarrayin. Yessexdam ayen umu neqqar (l’analogie) anda yettaɛraḍ wegrud ad dyessileɣ Akken yessexdam ayen umu neqqar (la paraphrase) d asefhem n tikti s wawal yellan d aɣezfan wa ad yeǧǧa ayen yellan d awezlan. Nufa daɣen asexdem n wayen umu neqqar (la surextantion) anda yessexdam wegrud kra na wawlen yfɣen ɣef unamek n wayen yebɣa ad dyin im sɛan amecabeh akk d wiyiḍ. Yettili-d daɣen deg umawal n yigerdan (l’emprunt) d asemres n tutlayt deg tayeḍ, asemres n tarayt agi yettili-d kan deg tmeslayt n yigerdan yetteqsaden tilakulin timeẓyanin. Taggrayt tamatut Ar taggarra n tezrawt-agi nneɣ, nufa-d d akken yella wemgired gar tmeslayt n yigerdan yetteqsaden d wid ur netteqsad tilakulin timeẓyanin, ay-agi iban-d deg wudem n umawal acku igerdan yetteqsaden talakult tameẓyant semrasen deg umawal-nsen tutlayin tijenṭaḍin | en |
| dc.identifier.citation | Linguistique Appliquée Enseignement et Communication | en |
| dc.identifier.uri | https://dspace.ummto.dz/handle/ummto/3658 | |
| dc.language.iso | fr | en |
| dc.publisher | UNIVERSITE MOULOUD MAMMERI DE TIZI-OUZOU | en |
| dc.title | Etude comparative d’un langage enfantin au plan phonétique et lexicale : Cas des enfants d’un an à trois ans ayant fréquentés ou non la crèche | en |