L’analyse sémantique de quelques images métaphoriques dans la poésie Chantée de Lounis Ait Menguellet
Loading...
Date
2017-04-30
Authors
Journal Title
Journal ISSN
Volume Title
Publisher
Université Mouloud Mammeri de Tizi-Ouzou
Abstract
Iswi n uxeddim agi d anadi neɤ d tuksa n kra n tumnayin yellan di tmedyazt n Lwenis At Mengllat d usqardec nsent akken ad naf assaɤ n unamek icudden ger iferdisen n yal yiwet ger tumnayin agi.
Uqbel ad nekcem di tesleḍt , ilaq ad nebder kra n wawlen yesɛan azal meqren deg uxeddim agi nnaɤ, ger asen:
- Tumnayt
- Tamedyazt
- Aɤanib
- Aɤanib arusrid
- Tiɤunba
- Tasleḍt
- Tasekla d tasekla Taqbaylit
Deg unadi agi nnaɤ, tella-d tseleḍt tasnamkit ɤef kra n tumnayin yemgaraden id yettwaksen di tmedyazt n Lwenis At Mengllat, naɛreḍ ad nawi awal ɤef amek id yella usuddes d axel n tumnayin d wamek id yella ucuddu ger iferdisen n yal yiwet deg-sent, akken naɛreḍ daɤen ad nsefhem anamek uffir win ɤef I tebna tumanyt d tezlit sumata di tmedyazt n Lwenis At Mengllat.
Iswi naɤ deg uxeddim agi ur yeḥbis ara ɤef ayen akka id nenna, imi naɛreḍ d aɤen ad nẓar acḥal n tumnayin i nezmer ad naf deg yiwet n tezlit, s yin newi-d awal ɤef unamek i sɛant ger-asent imi tezdi tent yiwet n tezlit, aha ymegarad neɤ ahat yiwen-is; akken i nenuda d aɤen ad nẓar d acu n unamek i ɤef i tebna tezlit n Lewnis At Mengllat: ɤef unamek id ibanen di tumnayt nni neɤ ahat ɤef unamek-ines uffir.
Anadi nnaɤ deg-s tlata n yixfawen i deg id newi awal ɤef tumnayt d unamek ines di tmedyazt Taqbaylit d tin n Lwenis At Mengllat.
Deg ugzul agi, ad nawi awal s tewzel ɤef ayen yellan di mkul ixef, acukan uqbel aya ad nesmekti belli nseqdec kra n yimawalen akken ad nsefhem kra n wawalen ama di tumnayt, tasnamkit, neɤ tamedyazt sumata.
Deg yixef amenzu, d asmekti n waṭṭas n temsal yeɛnan iferdisen igejdanen yellan deg unadi nnaɤ ama d tugna, tumnayt, tasnamkit, d wassaɤen yellan gar asen, akken id nefka d aɤen kra n yimedyaten s ways id nsefhem yal tamsalt ɤef id newi awal.
Deg yixef wis sin, newi-d ɤef tmedyazt Taqbaylit sumata,akken ad ngar tamawt amek id tettili d wacu n wazal tesɛa tumnayt di tmedyazt, arnu nenuda ad nzar ma yella si zik i
telladi tmedyazt Taqbaylit neɤ ala, ma yella aṭṭas n yimedyazen iqburen i tt ysexdamen neɤ kra kan seg-sen, d ayen id aɤ yeğğan ad nefk imedyaten n kra imedyazen yecnan di tallit yemxalafen, ger-asen: Sliman Ɛazem, Crif Xeddam, Ferhat Meheni, Maɛtub Lwennas d wiyaḍ nniḍen.
Ma yella deg yixef wis tlata, nexdem tasleḍt ɤef iferdisen d talɤiwen yemgaraden n tumnayt di tezlit d tmedyazt n Lewnis At Mengllat, akken naɛreḍ ad nessefhem inumak n tumnayin d iferdisen nsent ama d wid id ibanen ama d wid yeffren xas akken isefra n Lewnis At Mengllat mačči d wid isehlen i usefhem xas akken ḥlawit aṭṭas i tɤuri.
Acukan uqbel ad nsewjed anadi agi nnaɤ, llan aṭṭas inadiyen nniḍen i neɤra, ger-asen: anadi n Muḥamed Ğellawi ɤef tugawin n tmedyazt n Lewnis At Mengllat deg useggas n 2003, akken yella d aɤen uxeddim n Ɛllawa Rabḥi ɤef tesleḍt n tiɤunba di tmedyazt n Lewnis At Mengllat deg useggas n 2009, ad yarnu ɤur sen unadi n Flici Kahina ɤef umeyeḍres di tmedyazt n Lewnis At Mengllat deg useggas n 2011, acukan llan wiyaḍ i neɤra xas akken ffɤen i tezlit n Lewnis At Mengllat acukan ur ffiɤen ara I tmedyazt, ger asen: anadi n Fittas Racida ɤef amek i tettddu tumnayt di tmedyazt n Maɛtub Lwennas yettwaxedmen deg useggas n 2011, ad naf d aɤen ɤer tama-s axeddim n Kamal Buɛmara i yexdem ɤef tmedyazt n Si Lbaci Amellaḥ deg useggas 1995, akken llan d aɤen sin inadiyen n Xerdusi Ḥasina, amenzu deg useggas n 2001 ɤef tezlit n tecnayt Taqbaylit, ma d wis sin deg useggas n 2007 ɤef tmedyazt tuffirt n tmeṭṭut.
Description
245p.;30cm.(+cd)
Keywords
Citation
Rhétorique et Discours